სავაჭრო და ენერგო რესურსების ხაზები ჩინეთთან გეოპოლიტიკური დაპირისპირების მნიშვნელოვანი შემადგენელია. ამ თვალსაზრისით ვაშინგტონის გადმოსახედიდან სამხრეთ კავკასიის სახელმწიფოებს მნიშვნელოვანი როლის შესრულება შეუძლიათ, - განაცხადა გადაცემაში „თბილისის დროით“ ქუინსის ინსტიტუტის ვიცე-პრეზიდენტმა და დიდი სტრატეგიების დირექტორმა, ჯორჯ ბიბიმ.

აზერბაიჯანთან გავაფორმეთ უმნიშვნელოვანესი შეთანხმებების პაკეტი, რომელიც გააღრმავებს ორ ქვეყანას შორის სავაჭრო-ეკონომიკურ ურთიერთობებს და ახალ ეტაპზე გადაიყვანს ორ ქვეყანას შორის სტრატეგიულ თანამშრომლობას, - განაცხადა ბაქოში ეკონომიკის და მდგრადი განვითარების მინისტრმა, მარიამ ქვრივიშვილმა.

ევროპა ძალიან მძიმე ეკონომიკური პრობლემების წინაშეა. მიმაჩნია რომ ევროპას აქვს გამოსავალი, მაგრამ მხოლოდ თუ ევროპელები ამას მოისურვებენ, - განაცხადა ქუინსის ინსტიტუტის ვიცე-პრეზიდენტმა და დიდი სტრატეგიების ჯორჯ ბიბიმ გადაცემაში „თბილისის დროით“. მისივე თქმით, უკრაინაში არსებული გამოწვევის საპირწონედ მხოლოდ მეტი ფულის გაგზავნა, კიდევ უფრო მეტად გაამწვავებს კორუფციას.

საქართველოს თავდაცვის ძალების დაჭრილი სამხედროები უნგრეთის დედაქალაქში გამართულ ევროპის მკლავჭიდის ჩემპიონატიდან გამარჯვებულები დაბრუნდნენ, - ინფორმაციას თავდაცვის სამინისტრო ავრცელებს.

საუბარი შეეხო ზოგადი განათლების სისტემის რეფორმის ფარგლებში მიღებულ გადაწყვეტილებას, რომელიც ახალი სასწავლო წლიდან საჯარო სკოლების დაწყებით საფეხურზე სასკოლო ფორმების შემოღებას ითვალისწინებს. მხარეებმა სასკოლო ფორმებთან დაკავშირებული ლოგისტიკის საკითხები განიხილეს და ამ მიმართულებით სამომავლო გეგმებზე იმსჯელეს.

სიძულვილის ენა, შეურაცხმყოფელი კამპანია, აგრესიული კომუნიკაცია - ამ პრობლემების მონიტორინგი და რეაგირება, სპეციალური სამმართველოს ფუნქცია იქნება, რომელიც შსს-ში იქმნება. სიახლის შესახებ სამართალდამცავი ორგანოების კოორდინაციის საკითხებში სახელმწიფო მინისტრმა, მამუკა მდინარაძემ განაცხადა. მან ინიციატივის მიზეზი და მიზანიც განმარტა.

საქართველოს ვიცე-პრემიერმა, თავდაცვის მინისტრმა ირაკლი ჩიქოვანმა, თავდაცვის ძალების 35 წლის იუბილესთან დაკავშირებით, სამხედრო მოსამსახურეები დააჯილდოვა. ცერემონია თავდაცვის სამინისტროს „არმიჰოლში“ გაიმართა და მას სამხედრო მოსამსახურეებთან ერთად, თავდაცვის მინისტრის მოადგილეები დაესწრნენ.

,,ძალიან საინტერესო და ნაყოფიერი შეხვედრა გვქონდა, სადაც ბათუმის ბოტანიკური ბაღის განვითარების მიმართულებებზე ვიმსჯელეთ. მოვისმინე ბოტანიკური ბაღის სამომავლო გეგმების შესახებ ინფორმაცია. შთამბეჭდავია ის პროექტები, რომლებიც უკვე მიმდინარეობს. ხელისუფლების მხრიდან იქნება მუდმივი ჩართულობა და განსაკუთრებული ყურადღება ყველა პროექტის განხორციელების პროცესში“.

კანში, ფრანგულ რივიერაზე საქართველოს ეროვნულმა კინოცენტრმა მსოფლიო დონის პროდიუსერებს, ფესტივალების პროგრამერებს და მსოფლიოს წამყვანი კინოინდუსტრიების წარმომადგენლებს არაფორმალურ გარემოში უმასპინძლა. ინფორმაციას ეროვნული კინოცენტრი ავრცელებს.

ტანვარჯიშის საერთაშორისო ფედერაციის აღმასრულებელმა კომიტეტმა რუსი და ბელარუსი სპორტსმენებისთვის 2022 წლის თებერვლიდან მოქმედი შეზღუდვები მოხსნა და ისინი ტურნირებზე დროშითა და ჰიმნით დაუშვა.

დინოზავრს, რომელიც სამხრეთ-აღმოსავლეთ აზიაში ბინადართაგან ყველაზე დიდი აღმოჩნდა, Nagatitan chaiyaphumensis-ი ეწოდა. სახელი მომდინარეობს სიტყვებისგან „ნაგა“ (მითური გველისმაგვარი არსება აზიურ ფოლკლორში) და „ტიტანი“, ასევე ჩაიაფუმის პროვინციის დასახელებისგან.

ადგილობრივი მედიის ცნობით, ათენის ჩრდილოეთ ნაწილში მდებარე ოლიმპიურ სტადიონზე გამართულ კონცერტს 80 ათასზე მეტი ადამიანი დაესწრო. ჯგუფის გამოსვლის დროს, მიწისძვრების მონიტორინგისთვის განკუთვნილმა სპეციალურმა მოწყობილობებმა უმნიშვნელო მიწისქვეშა ბიძგები დააფიქსირეს.